الحب نفحة روح واحساس لذاع

مهما يكـــــون البعـــد حاجــز ومناع
الحــــب مايعـــرف حـــدود ومسافه



الحـــــب نفحة روح واحساس لذاع
يجــــي بلا موعــــد وقصد وحصافه





يسـري به الإحساس مع كل ذعذاع
يـــروي عطش قلب الحبيب وجفافه




من يوم شفتك صرت عاشق وملتاع
وصــــــرت ديــوان القصيد وغـــلافه




ياعاشقي واشــلون حــالك والاوضاع
ودي تـــــزور ربــــوع قلبي وشعافـــه




تعــــــال ضـــم القلب مابين الاضـلاع
خلك تحــس بلوعــــته وانجــــــــرافه




حــــــاولت بـــه يــــرتاح لكـن ماطاع
صابـــــر على جـــور الهوى والكلافه




يقـــول لاجـــــله هايـــنه كل الاوجاع
دامــــــه بقلبي له مكـــان وضيافـــه